Este artigo mostra como recuperar o contrasinal do noso usuario da UDC ben porque se produciu un bloqueo ou ben porque nos esqueceramos dela.
Guía de pasos
Dirixímonos ao portal AxudaTIC https://axudatic.udc.gal
Pulsamos sobre "recuperación de contrasinal de conta de usuario" abaixo no grupo de servizos abertos
Introducimos o noso usuario de servizos da UDC (sen @udc.es) ou o noso número de documento de identificación completo (con letra NIF/NIE se se trata dun NIF ou NIE)
Revisamos a nosa conta de correo alternativa (hotmail, gmail, yahoo...etc). Se non vemos o correo revisaremos o cartafol de spam
Lembra que a validez deste link será de 60 minutos, pasado ese tempo deberás repetir o proceso
Lembra que este é o contrasinal que usarás para entrar nos servizos da UDC adheridos os sistema de identidade única, coma a intranet, o correo, a secretaría virtual, etc
Crea un contrasinal seguro. Debe curmprir estes requisitos:
Elixe unha combinación de letras, números e símbolos de alomenos dez carácteres de lonxitude. Usa dúas letras como mínimo.
Usa un número ou un símbolo como mínimo.
Cambia entre maiusculas e minúsculas alomenos unha vez.
Non poderás incluír o identificador de usuario, o teu DNI, número de teléfono ou calquera outro dato que sexa facilmente relacionable coa persoa usuaria.
Non deberá coincidir cos derradeiros 5 contrasinais.
Non empregues un contrasinal similar ao anterior, no que soamente cambien algúns caracteres. Por exemplo: se o teu contrasinal é EJJiiwor-2021, non deberías cambialo por EJJiiwor-2022.
Non utilices o mesmo contrasinal que o que empregues noutros servizos (como Gmail, Twitter, Facebook, Instagram, banca electrónica, LinkedIn,...).
Exemplos de contrasinais seguros son: 1PsdTYv4h0, l1ddRSOCc%
Aquí podemos ver un vídeo con esta explicación
Data actualización : 20/04/2020