Problemas de instalación ou acceso na app UDC.gal (Tarxeta virtual)
Activación da TUI na app UDC.gal (Tarxeta virtual)
Tras acceder na app UDC.gal, prodúcese un erro ao premer en 'Tarjeta virtual'. Se o seu teléfono é Android, borre os datos da aplicación:
'Configuración' - 'Aplicaciones' - UDC.gal → Premer 'Detener' → 'Almacenamiento’: Premer ‘Borrar datos’. (Inicia de novo a aplicación)
Problemas para engadir ou actualizar a fotografía (https://apps.udc.es/TuiUDCFoto):
Se obtés o erro "Non autorizado" cando accedes a esta aplicación, significa que non tes autorización para o uso da tarxeta universitaria: Neste caso, contacta coa administración do teu centro (estudante) ou coa unidade organizativa que che realizou o contrato (persoal da UDC) para que che revisen a matrícula ou o contrato.
DESCRICIÓN DO SERVIZO
A emisión da tarxeta universitaria (TUI) é o proceso mediante o que os membros da comunidade universitaria poden obter a súa tarxeta acreditativa.
A tarxeta universitaria é a credencial que permite a identificación de todos os membros integrantes da comunidade universitaria, brinda acceso a múltiples servizos tecnolóxicos e constitúe un avanzado sistema de información, xestión, acreditación, empréstito bibliotecario, acceso a recintos...
En caso de extinción ou suspensión da vinculación entre o usuario/a da tarxeta e a UDC, pérdese o dereito ao seu uso.
QUE NON INCLÚE ESTE SERVIZO
A emisión da tarxeta bibliotecaria para usuarios externos non pertencentes á comunidade universitaria.
A emisión de tarxetas de acceso a actividades deportivas, recintos ou aparcadoiros para usuarios non pertencentes á comunidade universidade.
QUEN PODE FACER USO DESTE SERVIZO
Persoal docente e investigador da UDC.
Estudantes de grao, máster universitario, doutoramento, estudos propios e universidade sénior matriculados na UDC que teñan pagada a cota correspondente á tarxeta universitaria para o presente curso académico.
Persoal de administración e servizos da UDC.
Persoal da UDC contratado con cargo a fondos orzamentarios do Capítulo VI.
PROCEDEMENTO DE EMISIÓN DA TARXETA UNIVERSITARIA (TUI)
Para obter a TUI terás que descargar a app da UDC no teu móbil (Android - Iphone) e disporás dela ao instante.
Antes de usar a tarxeta en formato dixital, debes engadir ou actualizar a túa fotografía. Podes facelo a través deste enderezo electrónico: https://apps.udc.es/TuiUDCFoto
Máis información na pestana Onde conseguila?
CONDICIÓNS DE USO
A tarxeta universitaria é a credencial que permite a identificación de todos os membros integrantes da comunidade universitaria, brinda acceso a múltiples servizos tecnolóxicos e constitúe un avanzado sistema de información, xestión e acreditación.
A tarxeta universitaria é unha tarxeta persoal e intransferible. A persoa titular é responsable dos actos administrativos que fosen validados e autenticados coa tarxeta que o identifica. Se es estudante, para ter dereito a ela é necesario estar matriculado na UDC e pagar a cota anual correspondente.
En caso de extinción ou suspensión da vinculación entre o usuario/a da tarxeta e a UDC, pérdese o dereito ao seu uso.
HISTORIAL DE ACTUALIZACIÓNS
- 08 de xuño de 2021: Actualización online da fotografía.
- 30 de xuño de 2020: Tarxeta virtual
No hay ningún contenido con las etiquetas especificadas
Data actualización :
Servizo : Emisión da tarxeta universitaria (TUI)
Grupo : Software e aplicacións
Clase : SERVIZOS ENTREGADOS, SERVIZOS DE ACCESO, APLICACIÓNS
