- Se tes algún problema co rexistro en UDC Passport, contacta coa persoa que che enviou a invitación.
- Se tes algún problema co rexistro ou acceso no portal de servizos, visita esta ficha "Portal de servizos e recuperación de contrasinal"
Reciba un mail coa invitación. A invitación será enviada desde a conta de mail sic-noreply@udc.es.
Revise os datos persoais que aparecen no mail e preme na opción "Rexistro" (Asegúrese de que o enderezo do rexistro comeza por "https://apps.udc.es/UDCpassport/..." e que o candado do navegador está pechado)
Siga as instrucións para rexistrarse en UDC Passport.
Siga as instrucións para rexistrarse no portal de Servizos.
Comprobe o rexistro accedendo ao enderezo "https://apps.udc.es/UDCpassport/" co seu usuario de Servizos.
DESCRICIÓN DO SERVIZO
UDC Passport é un aplicativo que permite o acceso a certos servizos da UDC a persoas non membros da comunidade universitaria. Para poder rexistrarse en UDC Passport, é preciso recibir unha invitación dalgún dos xestores dos perfís habilitados en UDC Passport. O rexistro en UDC Passport dará acceso aos servizos da UDC habilitados para o perfil correspondente durante o tempo que estea activo o perfil. Pode consultar se ten algún perfil activo accedendo ao enderezo https://apps.udc.es/UDCpassport co seu usuario de Servizos.
QUE NON INCLÚE ESTE SERVIZO
Acceso a servizos da UDC non xestionados a través de UDC Passport.
QUEN PODE FACER USO DESTE SERVIZO?
Toda persoa que requira, mediante algún tipo de contrato ou convenio, acceder a algún dos servizos da UDC (controis de acceso, wifi, biblioteca, etc.) para o desempeño dalgunha prestación ou estudo non oficial, ao que non ten acceso por non ser membro da comunidade universitaria ou non pertencer a un colectivo que lle proporcione acceso a ese servizo. Para poder facer uso do servizo, é preciso recibir unha invitación da persoa responsable da xestión do perfil. Estar activo nun perfil proporcionará acceso aos servizos estritamente necesarios para poder desenvolver a prestación ou estudo.
CONDICIÓNS DO SERVIZO
Os membros de UDC Passport deberán cumprir coas condicións e políticas de todos os servizos da UDC aos que se lle proporciona acceso a través de UDC Passport. Estas condicións están publicadas no portal "Axuda Tic" .
Tamén deberá cumprir coa "Política de seguridade da información", co "Regulamento de uso das TIC" e coa "Normativa de uso dos recursos TIC" publicados no portal "Seguridade da información".
HISTORIAL DE ACTUALIZACIÓNS
13 de outubro de 2020 - Posta en marcha do servizo
Data actualización : 13/10/2020
Servizo : UDC Passport: Usuario
Grupo: Servizos Abertos