Este artigo serve para obter a tarxeta TUI.

Co obxectivo de reducir a pegada ecolóxica provocada polo uso excesivo do plástico, a UDC converteu a tarxeta universitaria a un formato dixital dispoñible a través de UDC.gal, a aplicación móbil oficial da Universidade da Coruña.

Para obtela, debes realizar os seguintes pasos (unha vez creada a túa conta da UDC): 

Antes de usar a tarxeta en formato dixital, debes engadir ou actualizar a túa fotografía.

Unha vez que teñas actualizada a túa fotografía, bastará con que descargues a aplicación da UDC no teu móbil, te autentiques coa túa conta da UDC e disporás da tarxeta ao instante.


Tarxetas de plástico

Unicamente pode seguir obtendo a tarxeta de plástico o persoal que necesite soporte a tarxeta criptográfica para a sinatura electrónica, controis de acceso baseados en tarxeta de proximidade ou que non dispoña dun teléfono compatible coa nova tarxeta de identificación. O alumnado que se atope nalgunha das anteriores situacións, necesitará autorización do seu responsable para que se lle emita a tarxeta en formato plástico.

As tarxetas universitarias de plástico imprímense con cita previa nas dependencias do SIC: 


Área de Atención a Usuarios e Licenzas - Edificio Servizos Centrais de Investigación- Campus de Elviña - Andar 0
Horario de atención ao público: de luns a venres de 9:00 a 14:00. Teléfono: 981 167 000 ext. 2222

As tarxetas de plástico seguen estando operativas pese a que xa finalizara a data de caducidade, pero recorda que podes empregar a tarxeta virtual dispoñible na aplicación da UDC.


Enlace a esta página