Informar dunha incidencia do servizo

Solicitude do servizo

Non hai para este servizo




COMO RECUPERAR OS DATOS DA TÚA CONTA DE SERVIZOS

Se tes conta de correo electrónico de recuperación

Se tes configurada unha conta de correo electrónico de recuperación, só tes que acceder ao enderezo: https://servizos.udc.es/activacion/recuperar-contrasinal para asignar unha nova contrasinal. Ao facer click nesta opción deberás introducir o teu usuario de servizos e o sistema enviarache un correo a esta conta que teñas de recuperación para poder poñer un contrasinal novo. 

Lembrámosche que en calquera momento podes establecer unha conta de correo electrónico de recuperación por se esqueces o teu contrasinal. Entra no teu perfil de servizos https://servizos.udc.es para establecer esa conta de correo electrónico e así poderemos enviarche unha mensaxe que che permita acceder nestes casos.

Aquí podes ver os pasos e un vídeo sobre como recuperar o meu contrasinal de servizos a través da conta recuperación que teño configurada

Como poño un correo de recuperación en caso de non telo 

Se non tes conta de correo de recuperación pero si tes certificado dixital da FNMT

Se tes un certificado dixital da Fábrica Nacional de Moeda e Timbre (FNMT) podes acceder con el á túa conta de servizos no portal  https://servizos.udc.es e configurar unha conta de correo de recuperación dentro do menú "o teu perfil" co que poderás executar xa o punto 1.

Aquí podes ver os pasos e un vídeo sobre como recuperar o meu contrasinal de servizos co meu certificado dixital da FNMT

Se non tes correo electrónico de recuperación o tampouco certificado dixital da FNMT

  • Paso 1: Deberás contactar co CAU a través do teléfono (981 176000, extensión 2222) ou do correo cau.sic@udc.es.
  • Paso 2: O CAU solicitarache que te identifiques, polo que debes ter a mano o teu DNI.
  • Paso 3: O CAU facilitarache un novo contrasinal



RECOMENDACIÓNS DE INTERESE


Se cres que o teu contrasinal puido ser coñecido por alguén, recorda estas boas prácticas no manexo da túa conta de servizos da UDC:

  • Elixe un bo contrasinal, con maiúsculas, minúsculas, números e caracteres especiais.
  • Desconfía do contido de correos electrónicos non solicitados, especialmente se o remitente é descoñecido.
  • Non debes facer clic en enlaces ou abrir arquivos adxuntos de correos sospeitosos.
  • Revisa a conta de correo alternativa que aparece en https://servizos.udc.es, pois é posible que alguén a cambiara por outra baixo o seu control.
  • Revisa se hai algunha redirección ou regras que non puxeras ti na túa configuración de correo.
    Como comprobo se a miña conta de correo ten reenvíos ou regras configuradas
  • Analiza cun antivirus os teus dispositivos. Elimina o posible malware que se detecte.
  • Se utilizabas o mesmo contrasinal para outros servizos, o que non é recomendable, deberás cambialo tamén neses outro sitios.
  • Recomendámosche que vexas este video (4 minutos de duración) cun resume destes e outros consellos importantes.