Recursos TIC da UDC

Hai que estar autenticado para acceder a todos os recursos.

☰


InicioAvisos activosCatalogo de solicitudesOs meus ticketsSoporte RemotoQue é AxudaTIC

Estás viendo una versión antigua de esta página. Ve a la versión actual.

Comparar con el actual Ver el historial de la página

« Anterior Versión 11 Siguiente »



Eduroam é unha rede sen fíos (wifi) que proporciona conectividade a Internet tanto á comunidade universitaria como aos visitantes doutras institucións.

Este servizo está dispoñible en todos os edificios da Universidade.

Adicionalmente, a rede wifi eduroam está disponible tamén noutras universidades e centros de investigación (consultar "Máis información de eduroam").

A rede sen fíos supón unha infraestrutura adicional á rede por cable e non pretende ser nunca un substituto da devandita rede por cable.  Ademais as prestacións, estabilidade e rendemento non son comparables á rede por cable, polo que non se recomenda o seu uso nos postos de traballo permanentes.

Introdución

eduroam (educational roaming) é un servizo a nivel mundial para a mobilidade dos usuarios que pertencen a institucións académicas ou de investigación. Permite que tanto estudantes, investigadores, profesores e resto de persoal das citadas institucións teñan conectividade a Internet nas súas propias instalacións como no resto de institucións participantes. O resultado é que o usuario poderá conectarse a eduroam, e en consecuencia a Internet, desde calquera institución adherida, empregando as mesmas credenciais de acceso.

Ligazóns:

Usuarios de UDC que van a outra institución

Calquera usuario da UDC que se vaia trasladar a outra institución pertencente a eduroam, poderá conectarse a súa rede sen fíos. Debe ter configurado o SSID eduroam. Ver sección de Configuración.

Para acceder á rede eduroam é necesario autenticarse co nome de usuario e contrasinal do xestor de identidade corporativo, seguido de @udc.es.

Hai que ter en conta o seguinte: se non se conecta con eduroam na UDC, tampouco o fará noutra outra institución.

Recomendámoslle consultar, na web da outra institución, a información referente a eduroam. Consulte tamén as páxinas da iniciativa nacional e internacional de eduroam.

Usuarios doutras institucións que veñen á UDC

A Universidade da Coruña pertence á iniciativa eduroam e, por tanto, habilítalles o acceso a súa rede sen fíos aos usuarios de calquera organización adherida á iniciativa de eduroam, de acordo coa súa política de itinerancia e coas normas de uso da rede sen fíos da Universidade da Coruña.

  • O usuario visitante debe empregar o SSID eduroam
  • A rede sen fíos da UDC emprega os seguintes protocolos de autenticación e de encriptación: 802.1X, EAP-TTLS, WPA2-AES

Antes de vir á UDC e de empregar a rede sen fíos, recomendámoslle comprobar se a súa organización pertence á iniciativa eduroam e ter configurado o servizo no seu dispositivo.


Toda a comunidade universitaria.

Condicións de uso

  1. A rede WiFi deberá utilizarse de xeito responsable, ético, eficiente e de acordo coa lexislación vixente, evitando calquera tipo de prexuízo a outros usuarios ou á organización.
  2. A UDC implantará mecanismos de filtrado de tráfico na súa rede co fin de cursar exclusivamente o tráfico que sexa necesario para proporcionar os servizos requiridos e minimizar as posibilidades dun incidente de seguridade.
  3. No uso do acceso a internet deberán respectarse as políticas de uso aceptable das institucións que proporcionan este servizo á UDC:
    1. Rede de Ciencia e Tecnoloxía de Galicia (RECETGA): https://www.cesga.es/comunidad/solicitud-de-servicios/politica-de-uso-aceptable-de-recetga/
    2. Rede académica e de investigación española (RedIRIS): https://www.rediris.es/lared/
  4. A UDC levará a cabo, de xeito automatizado, a monitorización e inspección do tráfico que transcorra pola súa rede da rede, co fin de vixiar o cumprimento da súa normativa. Esta inspección poderá complementarse con outra manual naqueles casos que requiran unha análise máis detallada. En todos eles, estas actividades de supervisión levaranse a cabo nos termos especificados no artigo 10 do Regulamento xeral de uso das TIC na UDC.

Usos non permitidos

  1. O desenvolvemento de actividades que puidesen producir:
    1. A degradación do servizo.
    2. A destrución, manipulación ou acceso non autorizado á información que circula pola rede.
    3. A violación da privacidade ou da intimidade doutros usuarios/as.
    4. A deterioración do traballo doutros usuarios.
    5. A infección por sóftware malicioso dos sistemas informáticos conectados á rede.
  2. Fins comerciais alleos á UDC.
  3. Calquera transmisión de información contraria á lexislación vixente en materia de propiedade intelectual e de protección de datos persoais.
  4. A execución de probas destinadas a detectar, comprobar ou explotar vulnerabilidades de sistemas alleos, sen autorización do seu administrador.
  5. O acceso non autorizado a sistemas informáticos alleos.
  6. A conexión de calquera dispositivo que proporcione acceso remoto á rede da UDC, distinto do corporativo.
  7. A conexión de equipos de rede activos (hubs, switches, encamiñadores, módems, devasas, puntos de acceso WiFi etc.).
  8. O uso de mecanismos que puidesen afectar á estrutura lóxica da rede.
  9. A utilización de equipos que operen nas bandas de frecuencia utilizadas pola rede WiFi corporativa e a utilización de inhibidores de frecuencia dentro dos edificios e espazos da UDC, sen autorización do SIC.

Normativa de referencia

Estas condicións de uso figuran na Norma sobre o uso da rede de comunicacións e o acceso a internet, aprobada por resolución reitoral.

É preciso solicitar autorización para facer uso dos seguintes servizos

  • COMUNIDADE UNIVERSITARIA: Non é preciso solicitude para a conexión a eduroam e udcportal.
  • CONTAS DE INVITADO: calquer PAS ou PDI da Universidade pode crear contas para persoal alleo que permite a conexión ás redes wifi eduroam e udcportal. A solicitude realizase no portal de servizos  http://servizos.udc.es -> solicitude de conta wifi de invitado
  • REDES WIFI ESPECIAIS:
    • udceventos: calquer PAS ou PDI da Universidade, organizador dun evento ou responsable dun edificio, pode solicitar a activación desta rede wifi para os días nos que teña lugar o evento.
    • udcdocencia: calquer PDI da Universidade pode realizar unha solicitude motivada na necesidade desta rede para a docencia.
    • udcIoT: calquer PAS ou PDI poden solicitar a conexión dun dispositivo a esta rede wifi.


Instalación e configuración de Eduroam

Para conectarse a eduroam é necesario realizar unha configuración previa nos dispositivos (ordenadores, smartphones, etc).

eduroam proporciona ferramentas de configuración automática, disponibles nas seguintes ligazóns segundo o tipo de dispositivo:

  • Windows, macos, iOS, Linux, Chrome OS: Ir a https://cat.eduroam.org
  • Android 8 ou superior. Instalar a app getEduroam (SURF Cooperative) desde a tenda de aplicacións no dispositivo.
  • Android (resto de versións). Instalar a app catEduroam (GEANT Association) desde a tenda de aplicacións no dispositivo

No momento da configuración requírese conexión a internet. Pode empregar udcportal para realizar esta configuración inicial de eduroam no dispositivo.



É importante revisar que o contrasinal esté actualizado.


É necesario aplicar o novo contrasinal en todos os dispositivos que estivesen previamente configurados en eduroam.

A maoría dos dispositivos amosan unha mensaxe emerxente solicitando o novo contrasinal. No caso de que isto non ocorra, é necesario configurar de novo eduroam. Recoméndase borrar a configuración previa de eduroam, no apartado de configuración wifi do dispositivo:

  • En Windows, no menú de selección de redes wifi, marcar eduroam e co botón dereito pinchar en "Dejar de recordar"
  • En iOS e macos, desinstalar o perfil de configuración, desde Axustes.
  • En Android, seleccionar eduroam e marcar en "Olvidar".


Á rede sen fíos que a Universidade recomenda é eduroam:

  • Conta cos protocolos de seguridade máis elevados.
  • A configuración realízase unha única vez e non é necesario introducir as credenciais cada vez que me conecto.
  • Permite conectarse noutras universidades.
  • A velocidade de conexión de udcportal está limitada

Só se recomenda empregar udcportal nos seguintes casos:

  • Para a configuración de eduroam cando o dispositivo non dispón doutra conexión.
  • Se o dispositivo se vai conectar unha única vez.
  • No caso de non dispor de conta en eduroam: antigos membros da comunidade universitaria


En determinados dispositivos, especialmente Windows, se o contrasinal da conta contén algún caracter ASCII da versión extendida como pode ser "ñ", "¿" ou "ñ", prodúcese un erro na autenticación. A solución consiste en modificar o contrasinal evitando este tipo de caracteres ASCII da versión extendida.

Pode consultar na seguinte ligazón a tabla ASCII extendida: https://www.ionos.es/digitalguide/servidores/know-how/tabla-ascii/


Calquera antigo membro da comunidade universitaria pode conectarse a rede wifi udcportal. Para este caso, non está disponible eduroam.


Non se recomenda, xa que na maioría dos casos estas configuracións non se realizan de forma adecuada no relativo á seguridade. A pesar de que o dispositivo se conecta correctamente a rede, as comunicacións son suscpetibles de ser interceptadas. Nesta ficha de axudatic atópase toda a información necesaria para realizar esta configuración de forma correcta.


  • En Android, se dispoñía dunha configuración manual previa, a reconfiguración non se realiza de forma correcta. Para solucionalo hai que ir á listaxe de redes wifi detectadas e "olvidar" eduroam (en zonas de cobertura desta rede). Logo, volver a intentalo de novo.
  • En iPhone, realízase unha descarga dun perfil de configuración que hai que instalar. Para acceder, haberá que localizar a zona de descarga segundo a versión de iOS nos Axustes. Recoméndase desinstalar a versión anterior do perfil previamente instalado.


  • Executa o script invocando deste modo: python3 eduroam-linux-UdC-eduroam.py


  • Hai que modificar a configuración do proxy http, cambiando de automático a desactivo.
  • Realízase en "Ajustes" → "Wifi" → "eduroam". Pinchar no i.
  • Na nova pantalla, localizar a opción "Proxy HTTP" e establecer a opción "Desactivado"


Trátase dun problema coñecido. Dependendo da versión do driver da tarxeta wifi Intel, é posible que non se amosen as redes wifi (SSIDs) que traballan en Wifi 6 (802.11ax). A recomendación de Intel para solucionar o problema consiste en actualizar os drivers á última versión:

(*) Facultade de Informática, Facultade de Econonía e Empresa, Escola Politécnica Superior, Facultade de Ciencias da Educación, Facultade de Socioloxía e de Ciencias de Comunicación, Escola Técnica Superior de Enxeñeiros de Camiños, Canais e Portos e Área Científica.


Detectouse que ao desinstalar o software de Ivanti Secure Access Client nun ordenador con Windows, deixa de funcionar eduroam. A solución pasa por configurar de novo eduroam.



Configuración manual de eduroam

En casos puntuais, pode ser necesario configurar o dispositivo para a conexión a rede wifi eduroam de forma manual.

No caso de ser necesario a configuración manual, os parámetros de configuración son os seguintes:

  • Autenticación de rede: EAP-TTLS con PAP
  • Require identidade externa: anonymous@udc.es
  • Servidor autenticación: radius.udc.es
  • Certificado CA raíz USERTrust RSA Certification Authority e GEANT OV RSA CA 4: formato pem (Válido desde o 2 de Decembro de 2021)

IMPORTANTE: é necesario instalar o certificado da Autoridade de Certificación (CA) no dispositivo, xunto co nome do servidor de autenticación. En caso contrario o contrasinal pode verse comprometido!!!


Guías de configuración para Eduroam:

Cambio de contrasinal

Se modificou o contrasinal da conta de servizos da UDC, é necesario facer este cambio nos dispositivos nos que tiña configurado eduroam.

A maoría dos dispositivos mostran unha mensaxe emerxente solicitando o novo contrasinal. No caso de que esto non ocorra, é necesario configurar de novo eduroam. Recoméndase previamente, "olvidar" a configuración de eduroam, no apartado de configuración wifi do dispositivo.


  • Dependendo do SSID ao que se conecte estarán dispoñibles diferentes servizos.

    Servicios ou aplicacións permitidos en eduroam (excepto para o PDI/PAS)
    • Navegación web:
      • FTP
      • HTTP,HTTPS,HTTP-EXT
    • Correo electrónico (con isto pode usar o seu cliente de correo electrónico, igual que coa conexión con fíos):
      • SMTP (só a UDC), SSMTP, SMTP-StartTLS
      • IMAP, IMAPS, IMAP2
      • POP3, POP3S
    • Control remoto:
      • VNC
      • RDP (Escritorio remoto Windows)
      • SSH 
    • Mensaxería instantánea e VoIP:
      • H.323
      • Sip
      • MSN Messenger
      • Yahoo Messenger
      • Jabber
      • IRC
    • Control de versións:
      • CVS
      • Subversion
      • Git
    • Outros:
      • Ping
      • DNS
      • NTP
      • NNTP
      • OpenVPN, IPSEC, PPTP
      • SciFinder
      • Licenzamento Cype
      • Licenzamento SPSS (só a UDC)
      • Rsync
      • Arduino Cloud
      • RPDL Data Stream (tcp/9100) (só a UDC)
    Servicios aos usuarios de udcportal
    • Navegación web:
      • FTP
      • HTTP,HTTPS,HTTP-EXT
    • Correo electrónico (con isto pode usar o seu cliente de correo electrónico, igual que coa conexión con fíos):
      • SMTP (só a UDC), SSMTP, SMTP-StartTLS
      • IMAP, IMAPS, IMAP2
      • POP3, POP3S



Máis sobre a rede eduroam