No 2015 comezou na UDC a emisión instantánea da tarxeta de identificación universitaria (TUI) para todos os membros da comunidade, que che permite levar en poucos minutos a túa tarxeta e gozar das súas vantaxes desde o primeiro momento. Para iso simplemente terás que acudir a calquera dos puntos de emisión habilitados, despois de facer a matrícula/contrato ou cando empeces o curso, levando tan só o documento acreditativo (dni, pasaporte etc.) co que estás matriculado/contratado; alí realizaranche a foto que aparecerá despois na tarxeta e tamén terás que escoller o pin co que te identificarás nos diversos servizos da UDC (biblioteca, control de accesos etc.) PUNTOS FIXOS DE EMISIÓNA Coruña Campus de Elviña. Oficina de campus do Banco Santander. Pavillón de Estudantes Teléfono: 981 296 387 Ferrol Campus de Esteiro. Oficina de campus do Banco Santander. Edificio de Apoio ao Estudo Teléfono: 981 359 310 NOTA: Por mor da alerta sanitaria estas oficinas permanecerán temporalmente pechadas HORARIO- martes e xoves, en horario de 09:00 a 13:00 e de 16:00 a 17:00
- Horario de Nadal (do 15 ao 31 de decembro): martes e xoves, en horario de 09:00 a 13:30 (tardes pechado)
CADUCIDADEAs tarxetas que non teñen conta asociada seguen estando operativas pese a que xa finalizara a data de caducidade. Se a túa tarxeta caducou e por calquera motivo necesitas unha con data de caducidade en vigor diríxete aos puntos de emisión. Notas:
- Se xa non tes vinculación coa universidade e queres unha tarxeta para acceder ao préstamo de libros na biblioteca como usuario externo, consulta esta ligazón
- Se no punto de emision non puideches obter a tarxeta por algún destes erros debes facer o seguinte:
- ERROR-02 (o usuario non ten dereito a tarxeta) contacta coa administración do teu centro (estudante) ou coa unidade organizativa que che realizou o contrato (persoal da UDC) para que che revisen a matrícula ou o contrato.
- ERROR-00, ERROR-01, ERROR-03 abre unha incidencia (Informar sobre unha incidencia da TUI) reportando o erro.
- Algúns servizos da tarxeta universitaria, como o préstamo de libros na biblioteca ou o control de acceso a edificios, requiren da activación previa no portal de Servizos da universidade, polo que é recomendable rexistrarse en https://servizos.udc.es antes de obter a tarxeta nos puntos de emisión.
|